Груевски мора да си оди!

Откако го изгледав видеото, од трибината на ДПМНЕ во Аеродром, си го потврдив мојот став дека Груевски мора да си оди! Шарени лажги кажува Грујо пред бедници кои му веруваат.

Јас не судам по тоа што овој човек зборува, јас судам по она што овој човек прави заедно со неговата компанија. А што тој прави? Го растура системот и го доведува до ниски гранки на кои никогаш не бил.

Избори во јуни

Ми се чини дека Бранко успеа да издејствува изборите да се одржат во јуни. Добро не на 21 ама на 5 јуни. Но тоа беше неговата цел, како што забележав во мојот претходен блог запис, ако Бранко успее да ги одложи изборите за јуни тогаш ќе стане максимално кооперативен. Гледам дека Груевски сеуште е за брзи предвремени избори, но најбрзо што може да биде тоа е 5 јуни, побрзо не може.

А еве што вели Изборниот законик:

Актот за распишување на изборите го донесува претседателот на Собранието и со него се определува денот од кога почнуваат да течат роковите за извршување на изборните дејствија и денот на одржувањето на изборите. Актот за распишување на изборите се доставува до Државната изборна комисија и Министерството за правда. Актот за распишување на изборите се објавува во "Службен весник на Република Македонија". Од денот на распишувањето на изборите до денот на одржувањето на
изборите не може да помине повеќе од 90 дена, ниту помалку од 70 дена.

Граѓаните за одржувањето на изборите се известуваат преку јавен повик и истакнување плакати на видни места.

Но главната поента е дали сега ДПМНЕ навистина ќе притисне за да ги запази овие рокови? Бранко веќе се изјасни „Нека си ги усвои изборните правила по негова мерка (Груевски) и да одиме на предвремени избори на 5 јуни. Тогаш ќе се соочи со казната за неговата ароганција, самобендисанот и забеганост“. Значи проценката на Бранко е дека сега и да сака Груевски да брза нема да може. Сега и никој (опозицијата) да не му пречи нема да може да ги распише изборите во рокот кој го планираше. Односно ако и се обиде тоа да го направи ќе направи процедурални грешки за кои ќе биде директно одговорен и ќе одат на неговото негативно конто.

Според мене сега е прашањето колку дена после посакуваниот термин на Бранко, 21 јуни, ќе бидат закажани изборите од страна на Груевски?

Ако Груевски не успее да ги распише изборите во јуни тогаш за него ќе биде подобро вонредни избори воопшто да нема, бидејќи само така ќе може да поправи некои работи во своето владеење за да има поголеми изгледи за победа на редовните избори.

Но ако од причини на својата суета сепак одлучи да оди на предвремени избори во јуни, тогаш ќе направи низа на грешки кои скапо ќе го чинат него и ДПМНЕ но и македонската држава.

Впечаток е дека Бранко подобро ги познава изборните правила и ја има контролата во свои раце, додека машинеријата на Груевски е подесена да победува само во услови на криза, пропаганда и замајување на неуките избирачи преку платени политички реклами низ електронските и печатените медиуми.